Publicado o 01/02/2026

AXENDA FEBREIRO

AXENDA DE FEBREIRO EN CALDOVAL

O Centro de Interpretación de Caldoval da a benvida ao mes de febreiro presentando as actividades especiais que ten preparadas para estas datas:

• O sábado 14 celebraremos San Valentín cun obradoiro de mensaxes secretas dentro dun corazón, que combina o deseño dun corazón en papel coa escritura en latín dunha frase de amor agochada no seu interior. Está dirixido a público adulto ou familias con menores dende 8 anos, e será en dúas quendas: 11:30 h. e 17:30 h., de duración aproximada dunha hora.
• O domingo 15 coñeceremos as Lupercalia, festividade da Antiga que se celebraba do 13 ao 15 de febreiro e que presenta elementos relacionados co Entroido, polo que o plan será facer unha máscara de Luperca, a loba do mito que da orixe a Roma. Esta actividade será en horario de mañá ás 11:30 h e está enfocada a familias con nenos/as dende 8 anos.

Para conseguir praza nas nosas actividades gratuitas é necesario inscribirse previamente a través do correo do centro info@museocaldoval.gal , no teléfono 687 07 21 16 (en horario de apertura: venres, sábado e domingo de 10:30 a 14:00 e de 16:30 a 20:00 h.) así como nas nosas redes sociais: @centrodeinterpretacióndecaldoval en Facebook e @museocaldoval en Instagram.

A maiores, podes reservar dentro dos horarios correspondentes, unha visita guiada ou un obradoiro permanente, dos que temos todo o ano.