Artigos Recentes

Publicado o 19/08/2021

CALDOVAL REPITE OBRADOIRO DE ARQUEOLOXÍA: NA PROCURA DO TESOURO ROMANO

Sabemos que moitxs de vós quedáchedes coas ganas de participar no obradoiro de arqueoloxía do pasado mes de xullo e, por iso, repetimos actividade!

Seguindo as instrucións dos escritos antigos, as distintas familias participantes terán que somerxerse baixo terra para atopar o tesouro que foi agochado pola dona da Vila de Caldoval fai moitos anos. Conta a lenda que aquelas persoas que o atopen gozarán dunha inesgotable boa fortuna.

Na procura do tesouro romano levarase a cabo durante os días 21 e 22 de agosto ás 11:30h e ás 17:30h para que o público máis novo do museo teña a oportunidade de traballar como arqueólogo/a por un día e aprender máis sobre este valioso oficio. O aforamento continua reducido a 10 persoas non conviventes, polo que xa se atopa aberto o prazo para inscricións, as cales poden realizarse a través do correo electrónico do centro (info@museocaldoval.gal) ou chamando ao seguinte número de teléfono en horario de apertura: 687 072 116.

Esperámosvos!