Publicado o 31/05/2025

Programación do mes de xuño en Caldoval

Chega o mes de xuño e trae novo horario no museo. Amplíanse os días de apertura, de martes a domingo en horario de mañá de 10:30 a 14:00 e de tarde de 16:30 a 20:00 h. Os luns permanecerá pechado. Seguimos con visitas guiadas os fins de semana ás 10:30, 12:30, 16:30 e 18:30 h., previa reserva; así como obradoiros ás 11:30 e 17:30 h. A maiores, e sen necesidade de reserva, pódese optar por facer o xogo de pistas sobre a Antiga Roma que se enconden por todo o edificio, ou practicar xogos da Antigüidade clásica na palestra do exterior.

As actividades especiais que temos programadas para este mes son as seguintes:

• “Inimigas de Roma”, o domingo 8 de xuño, ás 12:30 e ás 18:30 h. Trátase dunha visita especial na que percorreremos séculos da historia a través de mulleres que puxeron contra as cordas á todapoderosa Roma.
• “Escavación en Caldoval” o sábado 21 ás 11:30 e ás 17:30 h. Un obradoiro dedicado especialmente a público familar con nenos e nenas a partir dos 8 anos no que convertirse en arqueólogxs por un día aprendendo o seu método científico.

Recordamos que todas as nosas actividades son de balde, só tes que reservar para participar aportando nome, teléfono ou correo electrónico, número de asistentes e idades (en caso de participar menores) ao correo electrónico info@museocaldoval.gal e teléfono 687072116 (en horario de apertura).