Publicado o 27/04/2025
Na fin de semana tralo festivo do 1 de maio (día no que o museo permanecerá pechado), o Centro de Interpretación de Caldoval abrirá o venres 2, sábado 3 e domingo 4 de maio no horario habitual de 10:30 a 14:00 h. e pola tarde de 16:30 a 20:00 h. Poderase recibir o mes de maio cunha visita por libre, reservando praza na visita guiada ou facendo o xogo de pistas, entre outras posibilidades! Ademais, propoñemos unha actividade especial que coincide co Día da Nai, o domingo 4 de maio. Trátase dun obradoiro que chamamos “Pvpa”, de bonecas romanas como as que terían as crianzas da Antigüidade para xogar! Coñeceremos pezas atopadas en xacementos e elaboraremos a nosa propia boneca. A entrada ao centro é gratuíta, así coma os obradoiros, tanto os habituais coma o especial do domingo, en dúas quendas: en horario de mañá ás 11:30 h e de tarde ás 17:30 h, cunha duración de aproximadamente 45 minutos, e dirixida a público familiar con nenos e nenas a partir de 8 anos, pero tamén persoas adultas. As prazas son limitadas debido ao noso aforo, só hai que inscribirse previamente a través das nosas redes sociais en Facebook e @museocaldoval en Instagram, correo do centro info@museocaldoval.gal ou no teléfono 687 07 21 16 (en horario de apertura).Recibimos o mes de maio en Caldoval
